terça-feira, 20 de janeiro de 2009

Conxuro

Mouchos, coruxas, sapos e bruxas.
Desmos e diaños das nevoadas veigas.
Corvos pintigas e meigas, feitizos das maneiñeiras.
Pobres cañotas furadas, fogar dos vermes e alimañas.
Lume das Santas Campañas, mal de ollo, negros meigallos, cheiro dos mortos,
tronos e raios.
Oubeo do can, pregón da morte ; fociño do sátiro e pe de coello.
Pecadora lingua da mala muller casada cun home vello.
Auverno de Satán e Belcebú lume dos cadávres ardentes, corpos mutilados dos inocentes, peidos dos infernales cús, muxido da mar embravecida.
Barriga inútil da muller solteira, falar dos gatos que andan a xaneira, quedella porca da cabra mal parida.
Con este fol levantarei as chamas deste lume que asemella ao do inferno, e fixirán as bruxas acaballo das suas escobas, índose bañar na praia das areias gordas . ¡oide, vide ! os ruxidos que dan as que non poden deixar de queimarse no aguardente quedando así purificadas.
E cando este brebaxe baixe polas nosas gorxas, quedaremos libres dos males da nosa ialma e de todo embruxamento.
Forzas do ar, terra mar e lume, a vós fago esta chamada : si é verdade que tendes máis poder que a humana xente, eiquí e agora, facede cos espritos dos amigos que están fora, participen cos nós desta queimada.

Popular Galego

Sem comentários:

Enviar um comentário

Grato pela participação